د کندهار پولیس وايي چې د دغه ولایت په میوند ولسوالۍ کې د یوه ځانمرګي برید په ترڅ کې ۶ تنه پولیس وژل شوي او ۶ تنه نور ټپيان شوي دي.
د کندهار امنیه قومندان جنرال عبدالرازق په دې اړه وايي چې ځانمرګی بریدګر له چاودېدونکو توکو څخه ډک په یوه هاموې موټر کې سپور او غوښتل یې چې د کندهار د میوند ولسوالۍ د امنیه قومندانۍ ته ننوځي، خو د دغې قومندانۍ په دوم قرول کې یې چاودنه وکړه.
د هغه په وینا، دغه برید نن کهیځ پنځه بجې شاو خوا رامنځته شو.
ښاغلي رازق د ۶ پولیسو د وژلو او ۶ د ټپي کېدو پخلی کړی.
تراوسه هېڅ ډلې د دغې پېښې مسوولیت نه دی منلی.