د کورنیو چارو وزارت د رسنیو دفتر د یکشنبې په ورځ (د تلې پر ۲۳ مه) د یوې خبرپاڼې په خپرولو سره ویلي چې په کنړ ولایت کې د دولتي ځواکونو او داعش جنګیالیو ترمنځ یوې نښته کې ۸ تنه داعشیان وژل شوي او ۵ تنه نور یې ټپیان شوي دي.
خبرپاڼه زیاتوي چې دغه نښته د شنبې شپې په نیماییو او د کنړ ولایت په مرکز اسد اباد شګي کلي کې له هغې وروسته پیل شوه چې د داعش اورپکو یوې ډلې د پولیسو پر ځينو پوستو برید وکړ.
په خپرپاڼه کې همدارنګه راغلي دي چې په دغې نښته کې دوه تنه پولیس هم ټپيان شوي دي.
په خپرپاڼه کې د دغې نښتې په اړه نور جزییات نه دي ورکړل شوي