یوه امنیتي سرچینه طلوعنیوز ته وايي چې د کندهار په شاه ولي کوټ ولسوالۍ کې د ملي پوځ پر یوې اډې د طالبانو د برید په پایله کې د دغې اډې ۱۸ تنه سرتېري شهیدان شوي دي.
دغه سرچینه وايي چې په دغه برید کې چې د پنجشنبې په شپه (د غبرګولي په ۴مه) شوی وه ۱۶ تنه نور سرتېري ټيپان شوي او طالبانو د دغو سرتېرو له ډلې ۴ تنه له ځان سره بیولي دي.
د دغې سرچینې په وینا، چې دغه اډه د شاه ولي کوټ ولسوالۍ په زنګتیان کلي کې موقعیت لري.
تر اوسه امنیتي چارواکو په دې اړه څه نه دي ویلي.
دا په داسې حال کې ده چې طالبانو ۴ ورځې وړاندې د شاه ولي کوټ ولسوالۍ د اڅکزي په کلي کې د ملي پوځ پر یوې بلې پوستې برید کړی وه چې د هغه په پایله کې ۱۱ تنه سرتېري شهیدان شوي وو.
خو په دغه برید کې چې د دوشنبې په ورځ پېښ شوی وه د طالبانو ۲۰ جنګیالي هم وژل شوي وو.