د افغانستان لپاره د امریکا د څېړنې او مطالعاتو انسټیټیوټ، د هرات د تیموریانو د مهال څه باندې ۱۰۰ هنري اثار چې د نړۍ له څو هېوادونو راغونډې کړي، نن یې په یوه ځانګړي نندارتون کې نندارې ته کېښودلې.
دا اثار د امریکایي څېړونکي مایکل بیري د څلوېښت کاله هڅو په پایله کې د نړۍ د درې لویو وچو له موزیمونو راغونډ کړل شوي دي.
په دې اثارو کې ځیني یې د استاد کمال بهزاد دي.
امریکایي څېړونکي دا اثار د امریکا، برېټانیا، هند، مصر، فرانسې، پرتګال او څو نورو هېوادونو موزیمونو کې په کوته او بیا یې د دغو اثارو د غوره کیفیت عکسونه هرات ته راوړي دي.
ښاغلي بېري په دې اړه وویل:«دا د هغو تابلوګانو عکسونه دي چې د افغانستان د خلکو ویاړ یو برخه ده چې د نړۍ په مهمو موزیمونو کې نندارې ته ېښودل شوي. ما هڅه وکړه چې له دغو تابلوګانو څخه عکسونه واخلم او هرات ته یې راوړلم ترڅو د افغانستان خلک خپل ویاړلی تېر مهال یاد کړي.»
دا اثار کې د ادبیاتو تصوف او عرفان برخو کې دي او د هرات د تیموریانو له وخته دي.
د دې تابلوګانو عکسونه د هرات اختیار تاریخي ماڼۍ کې یوه ځانګړي نندارتون کې نندارې ته اېښودل شوي.
د ډېریو دغو اثارو مخینه پنځلسمې، شپاړسمې او اولسمې پېړۍ ته ورګرځي.