د منځني ختیځ لپاره د امریکايي ځواکونو قومندان جنرال جوزف ووټلو وايي چې په افغانستان کې د ژمې په موسمو وايي چې په افغانستان کې د ژمې په موسم پر طالبانو او نورو ترهګرو ډلو د ډېر فشار په راوستو سره د جدي تګلارې غوښتونکی دی.
د یو اېس ټایم مجله په یوه رپوټ کې لیکي چې دغه امریکايي جنرال د راتلونکي کال په پسرلي کې د طالبانو په وړاندې د یرغلیزو بریدونو غوښتونکی دی.
هغه زیاته کړه:«افغان ځواکونه باید تل پر هغوی (طالبانو او نور ډلو) فشارونه راوړي او د لوړ لاسي لپاره باید کار وکړي او د دې لپاره کله چې موږ د جګړې راتلونکې فصل ته ځوو باید د هغه لپاره چمتو واوسو او د خپلو راتلونکو موخو په لور ګام پورته کړو.»
د افغانستان لپاره د امریکې نوې تګلاره په دغه هېواد کې امریکايي ځواکونو ته ډېر واک ورکوي ترڅو د طالبانو او نورو ډلو په وړاندې ډېر بریدونه په لاره واچوي.
د امریکايي چارواکو له نویو څرګندونو داسې ښکاري چې افغانستان د دغه هېواد د اجنډا په سر کې ځای لري.
د افغانستان په وړاندې د ټرمپ د تګلارې یوه اصلي برخه په پاکستان کې د ترهګرو ډلو د پټنځایونو له منځه وړلو لپاره د هغه هېواد هڅول دي.