ملي دفاع وزارت وايي ټاکل شوې چې د افغانستان هوايي ځواکونه، د بلکهاک لومړنۍ چورلکې یا تور شیاهین راتلونکې اوونۍ ترلاسه کړي.
له دې وړاندې امریکې اعلان کړی وه چې ۱۵۰ بلکهاک چورلکې او په لسګونه نورې الوتکې به تر راتلونکو څلورو کلونو د افغانستان هوايي ځواک ته وسپاري.
د دغو چورلکو د لومړۍ ډلې د پېر بهیر چې ۶ چورلکو ته رسېږي، بشپړ شوی او تر راتلوونکې اوونۍ به د هېواد د هوايي ځواک په واک کې ورکړل شي.
ټاکل شوې ده چې بلک هاک چورلکې به د روسۍ می ۱۷ او می ۳۵ ځای ونیسي.
د ملي دفاع وزارت ویاند دولت وزیري په دې اړه څرګنده کړه:«بلکهاک د هغو ستونزو د هواري لپاره دي چې موږ یې په اکمالاتو کې لرو، د دښمن د ځالو د لهمنځه وړلو، د مریضانو او ټپيانو د لېږد، د پوستو د اکمالاتو په برخه کې چې د غرونو په سرک کې دي.»
هیله مني دا ده، چې افغانستان ته د بلک هاک الوتکو راتګ سره، د هېواد د هوایي ځواک شته نیمګرتیاوې تر یوه بریده پوره شي.
د ولسي جرګې غړي جبار قهرمان وویل:«د افغانستان په اسنیو جګړو کې، د چورلکو او الوتکو شمېر، لږ زیات شي، د یوه بریده د ملي پوځ ستونزې به حل شي.»
خو هغسې چې د هوایي ځواک برخه، د ډېر لګښت برخه ده، ډېر وخت به ونیسي، چې د هېواد هوایي ځواک په پوره توګه په پښتو ودرېږي.
پخوانی پوځي محسن مختار په دې اړه په ډاګه کړه:«موږ ښکاري الوتکو ته اړیتا لرو. کهچېرې همدا اوس الوتکې ولرو، د غورماچ دوه پوستې به له کلانبدۍ څخه خلاصې کړو.»
پنټاګون د افغان هوایي ځواک د ځواکمنتیا لپاره، اوه میلیارد ډالر لګولي او هڅه کوي، چې د افغان هوایي ځواک شمېر هم دوه هومره کړي.