په داسې حال کې چې ولسمشرۍ ماڼۍ، له عدلي او قضايي ادارو، احمد ایشچي سره د جنرال عبدالرشید دوستم د ناسم چلند د قضیې وروستي کېدل غوښتي د دې لپاره چې خپل دفتر ته د جنرال دوستم د ستنیدو څرنګوالی روښانه شي، خو د ښاغلي دوستم یو ویاند وایي، حکومت کې د ولسمشر د لومړي مرستیال ځای ګی معلوم دی.
دا په داسې حال کې ده چې د ولسمشر د لومړی مرستیال ویاند، بشیراحمد تهینج وايي چې د جنرال دوستم ځای مالوم دی او هغه کسان چې په دې اړه تبصرې کوي، له قانون څخه خبر نه دي.
دی زیاتوي:«د (جنرال دوستم) ځای په اړه تبصره کول له قانون څخه بېخبري ده او دوی د دې حق لري چې خپلې غوښتنې، اعتراضونه او مطالبات په هر ډول د نظام په اړه مطرح کړي.»
په همدې حال کې د ولسي جرګې یوه غړې، د ولسمشر د لومړي مرستیال د قضیې د برخلیک روښانیدل، د هېواد اوسني وضعیت لپاره خورا مهم بولي.
د ولسي جرګې غړې، سیمین بارکزی څرګندوي:«د افغانستان دولت باید دې موضوع باندې جدي پام وکړي او په ځانګړې توګه چې د ولسمشرۍ ماڼۍ لومړۍ مرستیالۍ څوکۍ ډېره مهمه ده، د هېواد حالات هم ماتېدونکي دي او باید چې دا موضوع ژر وڅېړل شي.»
له دې سره چې د جنرال دوستم او احمد ایشچي ترمنځ د اختلاف له پیل او د کابینې غونډې ته د جنرال دوستم له نه حاضریدو وروسته، د ده څوکۍ پر خپل ځای وه، خو د کابینې د تېرې اونۍ د غونډې تصویر کې د ښاغلي دوستم څوکۍ په خپل ځای کې نه لیدل کېږي.
ولسمشرۍ ماڼۍ دا موضوع عادي بولي او نه غواړي په اړه یې نور جزییات وړاندې کړي.
د ولسمشر د لومړي مرستیال او ولسمشرۍ ماڼۍ ترمنځ اختلافونو ورسته تر هغه زور واخیست، چې حکوممت له احکد ایشچي سره د ناسم چلند د ادعا د څېړنې ژمنه وکړه.
وروسته بیا د ولسمش ميرمن وویل، چې جنرال دوستم په کورني کې بند کې دی. ښاغلی دوستم کابو یوه نیمه میاشت وړاندې د درملنې لپاره ترکیې ته تللی، خو ځينې سرچیني وایي، حکومت دی، د هېواد پرېښودو ته اړ کړی دی.