د افغانستان د بیارغونې لپاره د امریکا ځانکړې پلټونکې ادارې یا سیګر، موندلي چې په وروستیو کلونو کې، په افغانستان کې د تاوتریخوالي او د امنیتي ځواکونو د مرګ ژوبلې زیاتوالي له کبله، امریکا کې د افغان نظامي زدهکړیالانو د پناه غوښتنې شمېر هم زیات شوی دی.
د سیګر په رپوټ کې راغلي چې له دې ډلې ۳۲۰ زدهکړیالان چې د ۲۰۱۵ تر ۲۰۱۷ کلونو په منځ کې امریکا ته تللي، ۱۵۲ تنه چې ۴۷ سنله جوړوي، تښتېدلي دي.
د سیګر د رپوت یوه بله برخه کې راغلي، چې د رونځای پرېښودو له امله، ښايي په افغانستان د پوځیانو عملیاتو نور هم ګران دي او د محصلینو پر ذهنیت به منفي اغېز پرېږدي.
خو د ولسي جرګې یو غړی ګل پاچا مجیدي، د افغان پوځي زدهکړیالانو د دغه کار لامل په افغانستان کې بې وزلي، ناامني او بې کاري بولي او زیاتوي:«د امنیت نشتوالی له ټولو مهم د اقتصاد مسله، کمزوری اقتصادي وضعیت او بې زولي چې څه باندې ۶۰ سلنه خلک تر بې وزلۍ لاندې ژوند کوي، دغه ټول مسایل د دې لامل شوی چې زموږ دوستان په اروپايي او امریکايي هېوادونو کې چې هلته ګډوال مني او له هغه قوانینو استفاده کوي او هملته ژوند کوي.»
ناسم او د غیر مسلکي زدهکړیالانو غوره کول، او ناامنۍ، د دې څېر ځوانانو د تېښتې یو لامل دی.
د ولسي جرګې غړي عبدالجبار قهرمان په دې اړه څرګنده کړه:«هغه خلک چې ژمنه ولري، خپله خلکو ته ژمن وي خدای ته ژمن وي، دا خلک باید غوره شي او دویم دلته ورڅخه معتبره تضمین واخیستل شي.»
خو په دې اړه د افغانستان دفاع وزارت ځواب.
د ملي دفاع وزارت ویاند دولت وزیري په دې اړه وايي:«د افغانستان د ملي دفاع وزارت په دې اړه یوه مشخصه پالیسي جوړه کړې او هغه پلي کوي، لومړنی دا چې هر څوک چې ځي باید دقیق ولیدل شي، ډاډه وي، مستحق وي، او د زدهکړې لپاره ولېږدول شي. دویم هر څوک چې ځي د دوو کسانو له خوا یې تضمین کېږي.»
د هغو افغان نظامي محصلینو له ډلې چې په امریکا کې یې روزنځای پرېښی، یوازې ۲۷ تنه یې یا نیول شوي او یا هم له دغه هېواد اخراج شوي.
۸۳ تنه نور کسان هم دي چې یا ترې تم دي او یا هم نورو هېوادونو ته تښتېدلي .