د فاریاب ځايي چارواکو نن سېشنبې (د مرغومې په ۲۶ مه) ویلي چې په دغه ولایت کې د هاوان د یوې مرمۍ د لګېدو له امله ۴ تنه ولسي وګړي وژل شوي او ۴۲ تنه نور ټپيان شوي دي.
د خواجه سبزپوش ولسوال عبدالله معصومي په دې اړه وايي چې دغه توغندی د طالبانو له خوا توغول شوی او د ولسوالۍ د ودانۍ پر ځای د ولسوالۍ په بازار کې لګېدلی دی.
هغه زیاتوي چې نن، د سیمهییز بازار ورځ وه او ګڼ شمېر خلک له کلیو څخه د پېر او پلور لپاره راغلي وو.
خو طالبانو تراوسه په دې اړه څه نه دي ویلي.