رپوټونه ښيي چې د پاکستان حکومت د تورخم دروازه د امنیتي اندېښنو له امله تړلې ده.
پاکستاني رسنۍ وايي چې دغه پرېکړه له هغې وروسته ونیول شوه چې په دغه هېواد کې په یوه زیارت کې یو خونړی برید ترسره شو.
د پاکستان د ملي پوځ په یوې خبرپاڼه کې راغلي دي چې دغه دروازه به تر ناڅرګندې مودې د امنیتي دلایلو له امله تړلې وي.
د تورخم دروازه یوازې څو ساعته وروسته له هغې وتړل شوه چې د پاکستان د سند په ایالت کې د لعل شهباز قلندر په زیارت د یوه ځانمرګي برید په پایله کې ۸۰ تنه ووژل شول او څه باندې ۲۰۰ تنه نور ټپيان شوي دي.