په افغانستان کې د امریکايي ځواکونو په یوې خپره شوې خبرپاڼه کې راغلي دي چې په ننګرهار کې تېره ورځ (دوشنبې د لیندۍ په ۲۰ مه) د یوې ټرافیکې پېښې په پایله کې یو امریکایی سرتېری وژل شوی دی.
په افغانستان کې د ناټو او امریکايي ځواکونو عمومي قومندان جنرال جان نېکلسن، د دغه سرتېري د وژل کېدو له امله د هغه کورنۍ ته خپل تسلیت وړاندې کړی دی.
د دغه سرتېري له وژل کېدو سره په افغانستان کې د روان کال له پیله د وژل شویو امریکايي سرتېرو شمېر ۱۴ تنو ته رسېږي.
په خبرپاڼه کې د ټرافیکي پېښې په اړه څه نه دي ویل شوي.