د کندز پولیس د ترهګرو د ځپلو په موخه د دې ولایت په مرکزي برخو کې د ګډو عملیاتو د پیل خبر ورکوي.
د شمال ختیځې حوزې د پولیسو په یوې خبرپاڼه کې راغلي چې پامیر دوه عملیات نن سهار(سېشنبې د وري۸مه) د کندز د مرکز له زرخرید او باغ شرکت سیمو څخه د ترهګرو ځپلو په موخه پیل شوي دي.
خبرپاڼه زیاتوي چې د پامیر۲ پوځي عملیات د ۱۳۹۶ کال د خالد عملیاتو په لړ کې ترسره شوي دي.
په دې عملیاتو کې د ملي اردو، ملي پولیسو او د ملي امنیت ځواکونو ګډون کړی دی چې د پامیر۲۰مې فرقې لومړۍ لوا په مشرۍ ترسره شوي دي.