ولسمشر ته د لیک په نامه افغانی فلم تېره ورځ (د جمعې په ورځ د وږي په ۳۱ مه) په کابل بازار ته وړاندې شوه.
دغه فلم چې د رویا سادات له اثارو څخه دی، د یوې مېرمنې ژوند یې انځور کړی چې د تاوتریخوالي او تبعیض قرباني شوې ده.
تر دې وړاندې په سویس کې د لوکارنو نړیوال فسټیوال او څو نورو نړیوالو فیسټیوالونو کې یې خپور شوی دی.
د دغه فلم جوړونکې رویا سادات په دې اړه وویل:«دغه فلم، د اریانا په سینما کې د لومړي ځل لپاره نندارې ته کېښودل شو؛خو زه ډېره خواشینې شوم چې د وخت د کموالي او امنیتي مسایلو له امله ونه توانېدم چې کورنۍ سره همغږې کړم؛ خو دغه پروګرام دوام لري، ډېر ژر د سینماګانو له لارې، حتماً تدبیرونه ارزول کېږي چې د دغه فلم د دلیدو لپاره کورنۍ هم ګډون وکړي.»
ولسمشر ته لیک د فلم له نندارې سره د دې سینمایي اثر لاسته راوړنو ته هیله مني نور هم زیاته شوې ده.
فلم جوړونکي محمد اغا ذکي په دې اړه وویل:«ولسمشر ته لیک، یو لوړی سینمايي فلم دی چې د افغانستان په ټولنه کې یې پټ واقعیتونه انځور کړي دي؛ دغه فلم له یوې ډراماټیکې فضا سره پیلېږي.»
ولسمشر ته لیک د هغه فلم داستان دی، چې په افغانستان کې د یوې مېرمن ستونزمن ژوند پهکې تصویر شوی.
دا فلم د رویا فلم او کابورا پروډکش په همکارۍ جوړ شوی دی.