د کانونو او پټرولیم وزارت د هرات غوریان ولسوالۍ کې د مالګې د یوه کان تړون یوه خصوصي شرکت سره لاسلیک شو.
د کانونو او پټرولیم وزارت سرپرسته نرګس نهان وایي چې په تړونونو کې د روڼتیا نشتوالي او په پروژو کې د ستونزو له کبله یې د تړون اجازه نه لرله، خو اوس دا ستونزې تر یوه بریده حل شوي دي.
د دغه تړون له مخې تړوني شرکت د هرات ولایت د غوریان ولسوالۍ د مالګې په کان کې تر ۴۰۰ زرو ډالرو پانګونه کوي او په کال کې به له دغه کان نه تر ۲۵ شتو زو پورې مالګه استخراج کړي.
قراردادي شرکت به د هر ټن مالګې د رایستو پر سر یو زرو پنځه شپیته افغانۍ حکومت ته ورکوي چې په کال کې به شپږ ویشت مېلیونه افغانیو ته ورسېږي.
د کانونو او پټرولیم وزارت سرپرستې نرګس نهان وویل:«د تېرو درې کلونو په اږدو کې د کانونو او پترولیم وزارت د هېڅ کان د تړون اجازه نهلرله چې عقد وکړي. د دې لپاره چې لومړیتوب دا وه چې د تړونونو په مدیریت او وزارت خپله وړتیا لوړه کړه او د تړونونو په بهیر کې روڼتیا رامنځته شوه.»
د هرات ولایت د غوریان ولسوالۍ د مالګې کان ۷۴ هکټاره اوږدوالی لري او دغه کان ۱۰ کاله وړاندې هم یوه شرکت ته سپارل شوی وه.
د کان په سیمه کې د ۷۰ زرو ډالرو په ارزښت د ټولیزو خدمتونو د یو شمېر پروژو پلي کول، د یوه روغتون جوړل او د چاپېریال د ساتنې لپاره د ۳۰ زره ډالرو ورکړه د قرارادادي شرکت له ژمنو بلل کېږي.
د تړوني شرکت استازی بصیر احمد په دې اړه وویل:«موږ ژمن یوو چې د قانون په مطابق، کار او په رڼه توګه او د کانونو وزارت له همکارۍ سره خپل فعالیت پیل کړو.»
د کانونو او پټرولیم وزارت د سرپرستې په وینا، د هېواد د کانونو ۱۴ تړونونه چې ستر کانونه هم په کې شامل دي دمګړۍ په تړونونو کې د ستونزو له له امله، د دغو کانونو د راایستو کار درول شوی او دا بنسټ هڅه کوي ترڅو ژر تر ژره د دغو کانونو ستونزې حل کړي.