د سودګرۍ او صنایعو خونې شمېرې ښيي چې یوازې د دوو وروستیو میاشو په لړ کې دننه په هېواد کې د پانګوالو د وژنې او تښتونې ۶۰ پېښې ثبت شوي دی.
نېږدې یوه اوونۍ وړاندې ، نحیب الله د ۵ صد فامیلۍ په څلور لارې کې د صرافۍ په هټۍ کې ووژل شوو.
نجیب الله د صرافۍ له پیسو سره د یکشنبې ورځې په سهار له کوره د هټۍ پر لور روان شو.
خو څو دقیقې وروسته تر هغو چې نجیب الله دُکان پرانیست؛ وسله وال کسان هټۍ ته ورننوتي. هغه یې ووژه او پیسې یې له ځانه سره یوړي.
کلونه کېږي چې د نجیب الله کورنۍ صرافي کوي او دا لومړی ځل دی چې له دا شان پېښې سره مخېږي.
یوازې وروستیو دوو میاشتو کې د سوداګرۍ او صنایعو خونه کې د پانګوالو د وژنې او اختطاف ۶۰ پېښې ثبت شوي دي.
دا شمېرې داسې مهال چې د تېر کال په لړ کې دغې ادارې سره ۹۵ پېښې ثبت شوې وې.
د سوداګرۍ او صنایعو خونې د شمېرو له مخې، زیاتې پېښې په خوندي سیمو کې شوي،، هغه سیمې چې له امنیتي اړخه ډاډمنې دي.