په کابل کې ځانمرګي بريد ٢ تنه و وژل او ٤٣ نور يې ټپيان کړل

د شنبې په ورځ دوه ملکي وګړي هغه مهال و وژل شول او ٤٣ نور ټپيان شول چې يو ځانمرګي بريد کونکي مخکې تر دې چې د بهرنيو ځواکونو يو کاروان ته ځان ورسوي خپل ځان وچو

په دې پيښه کې بهرنيو ځواکونو ته کوم زيان نه ده رسيدلى.

د کورنيو چارو وزارت وياند زمري بشري ويلي دي چې ياده شوې پيښه نن غرمه ١٢ بجې د څلورمو مکرويانو په سيمه کې د شينوزاده روغتون سره نيژدې شوې ده.

په دې پيښه کې بهرنيو ځواکونو ته کوم زيان نه ده رسيدلى.

د کورنيو چارو وزارت وياند زمري بشري ويلي دي چې ياده شوې پيښه نن غرمه ١٢ بجې د څلورمو مکرويانو په سيمه کې د شينوزاده روغتون سره نيژدې شوې ده.

هغه زياتوي چې د پيښې ټول قربانيان ملکي وګړي دي.

ښاغلي بشري وويل:" د لومړنيو معلوماتو سره سم يو تن ځانمرګى بريد کونکى چې په موټر سايکل سپور و د شينو زاده روغتون سره نيژدې يې ځان وچوو چې متاسفانه ملکې وګړي پکې و وژل شو."

په همدې ترڅ کې د روغتيا وزارت وايي چې د دې پيښې درې مړي او ٤٣ ټپيان د ښار روغتونونو ته ليږدول شوي دي.

دا پيښه په داسې حال کې رامنځ ته شوه چې په کابل کې به په دوه راتلونکو ورځو کې يو نړيوال کنفرانس جوړ شي چې د امريکا د بهرنيو چارو د وزيرې ميرمن کلينټن په ګډون به يو زيات شمير نړيوال مشران پکې ګډون وکړي.

اندونه (0)

Subscribe to this comment's feed