پاکستاني رسنیو په دې هېواد کې دوروستیو تاوتریخوالو له امله د لسګونو کسانو مزګ ژوبلې خبر ورکړی دی.
رسنیو زیاته کړې ده چې د دې هېواد په شمال او سویل کې ۵۷ کسان وژل شوي دي او کابو ۱۲۰ تنه نور ټپيان شوي دي.
په داسې حال کې چې تېره ورځ(جمعه د چنګاښ۲مه)د ډیورنډ کرښې ته نېږدې په پاړهچنار سیمه کې د دوو چاودنو له امله لږ تر لږه ۴۱ کسان ووژل شول.
په یاده سیمه کې له لومړۍ چاودنې وروسته دویمه چاودنه هغه وخت وشوه چې خلک د لومړۍ چاودنې قربانیانو ته د مرستې لپاره سره راټول شوي وو.
له دې چاودنو وروسته څلورو نورو کسانو بیا هغه وخت ژوند له لاسه ورکړ چې خلک په دې سیمه کې د ناامنیو د زیاتیدو په غبرګون سره واټونو ته وتلي وو.
مخکې له دې په کوټه کې د ځانمرګي برید له کبله ۱۳ کسان وژل شوي وو او کابو ۲۰ نور ټپیان وو.
په کراچۍ ښار کې هم درې تنه د پولیسو مامورین د ناپېژاندو وسلهوالو لهخوا وژل شوي وو.