ولسمشر، اشرف غني د عمومي او امنیتي حالت ارزونې په موخه نن سهار(سېشنبې د زمري۳۱) له یوه پلاوي په مشرۍ کندهار ته ولاړ.
ولسمشر یاد ولایت ته له رسېدو وروسته له غرمې مخکې په ۲۰۵ اتل قول اردو کې د شهیدانو څلي ته د ګلونو ګېډۍ اېښې دي.
ده همداراز د ۲۰۵ اتل قول اردو له قومي مشرانو، سپينږيرو او د دخلکو له بېلابېلو استازوسره د جوړه شوې غونډه کې ګډون وکړ.
له ولسمشرۍ ماڼۍ څه په خپره شوې خبرپاڼه کې راغلي دي چې د کندهار والي، زلمي ویسا له ولسمشر څخه په هوايي ډګر کې هرکلی کړی دی.
ولسمشر په داسې حال کې کندهار ولایت ته سفر کوي چې په وروستۍ پېښه کې وسلهوالو په خاکریز ولسوالۍ کې د افغان ځواکونو پر مرکز برید کړی وه او په ترڅ کې یې ۲۶ تنو افغان سرتېرو ژوند له لاسه ورکړی وه.
په همدې حال کې د امریکا متحده ایالاتونو ولسمشر، ډونالډ ټرمپ د افغانستان په اړه خپله تګ لاره نن اعلان کړه.
ټرمپ وویل په افغانستان کې د امریکا د اوږدمهالې جګړې په اړه وویل چې امریکا د افغانستان له حکومت سره مرستې کوي څو طالبان بیا ځلې واک ته و نه رسیږي.