د سپين غر بازانو لوبډلې په یوه ګول سره عقابان هندوکش لوبډلې ته ماته ورکړه او د افغانستان د فوټبال غوره لیګ سیالیو د شپږم پړاو نیمه پای لوبو ته یې لاره پيدا کړه.
شاهین اسمايي، د میوند اتلان، سیمرغ البرز او د سپين غر بازان د دغو سیالیو په نیمه پای لوبو کې سره سیالي کوي.
لوبه دواړو لوبډلو مساوي پيل کړه چې لومړی نمايي له ګول څخه پرته پای ته ورسېده.
دویمه نمايي سپین غر بازانو ښه پيل کړه او د لوبې په ۵۰مه دقیقه کې يې د ۱۷ نمبر لوبغاړي شاداب شاه په مرسته ګول وواهه او پایله هم ۱-۰ شوه.
د دې لوبو په پایله کې به سبا د اباسین څپې د توپان هیریرود سره میدان ته ووځي.