د افغانستان د فوټبال د غوره لیګ د شپږم پړاو په نیمه پای لوبې او د میوند اتلانو او سپین غربازانو ترمنځ د راتګ په لوبه کې دواړه لوبډلې د ګول پر وهلو ونه توانېدې، خو د میوند اتلان د تګ په لوبه کې د دوه ګولونو پر مټ پای لوبې ته لاره پيدا کړه.
د لوبې لومړنۍ نیمه د میوند اتلانو ښه پیل کړه او د دغې لوبډلې لوبغاړي څو ځله د سیالۍ لوبډلې تر دروازې توپ راورسوه خو د ګول پر وهلو بریالي نه شول.
دویمه نیمه بیا هم میوند اتلانو یرغلیزه پیل کړه خو دغه نیمه هم د ګول له وهلو پرته پای ته ورسېده.
نو په دې ترتیب سره د میوند اتلان د تګ په لوبه کې د دوه ګولونو په وهلو سره پای لوبې ته لاره پیدا کړه.