د هېواد په سوېل لوېدیځه حوزه کې د افغانستان د غوره لیګ د غواروي سیالۍ،د چهارشنبې په ورځ(د غوايي په ۲۰ مه)د افغانستان د غوره لیګ د شپږم پړاو د حضور لپاره پیل شوې.
په دغو سیالیو کې د نیمروز،زابل، ارزګان، هلمند، او دوه لوبډلې له کندهار څخه چې په ټول کې ۶ لوبډلې کېږي ګډون کړی دی.
دغه لوبډلې د دوو ډلو په چوکاټ کې سره سیالۍ کوي چې د دغې سیالیو په لومړۍ ډله کې د کندهار «ب» ارزګان او نیمرزو، او په دویمه ډله کې د کندهار «الف»،زابل او هلمند سره هم ډلې دي.
د دغو سیالیو په لومړۍ لوبه کې، د کندهار «الف »لوبډله وتوانېده ۴ پر صفر ارزګان ته ماتې ورکړي او په دویمه لوبه کې بیا هم د کندهار «ب»لوبډله وتوانېده ۸ صفر زابل ته ماتې ورکړي.
دغه سیالۍ هره ورځ د «احمدشاهي په لوبغاړي» د دوو لوبو په ترسره کېدو سره ترسره کېږي او د څلورو ورځو لپاره به دوام ولري.
ټاکل شوې ده چې د دغو سیالیو په پای کې ۲۶ غوره څېرې د «میوند اتلانو» لوبډلې ته د افغانستان غوره لیګ سیالیو شپږم پړاو کې د حضور لپاره غوره شي.