د افغانستان کرکټ لوبډلې یوځل بیا د کرکټ په نړیوالو ۵۰اوریزو پنځه ورځنیو لوبو کې زمبابوې ته په درېیمه لوبه کې هم ماته ورکړه.
په دې لوبه کې لوبه لومړۍ زمبابوې پیل کړه او په ۳۳ اورونو کې یې د ټولو لوبغاړو له لاسه ورکولو سره افغانستان ته د ۱۳۰ منډو هدف وټاکه.
په دې لوبه کې د زمبابوې لوبډلې غړي مسکنډا د بیټنګ په برخه کې ښه وځلید او توانيد چې د خپلې ډلې په ګټه ۶۰منډې جوړې کړي، همداراز جترا هم ښه بالنګ سره د افغانستان د لوبډلې درې لوبغاړي ویستل.
همداراز د افغانستان لوبډله کې ګلبدین نائب هم په لوبه وکړه او د سیالې لوبډلې څلور لوبغاړي یې وسوځول، تر څنګ یې اصغر ستانکزي هم ښه توپوهنه وکړه او د افغانستان په ګټه یې ۳۱ منډې ترسره کړې.
دافغانستان کرکټ لوبډلې لوبغاړو هم د توپوهنې په برخه کې ښه لوبه پیل کړه او یو د بل پسې د لوبغاړو له لاسه ورکولو سره ورکړل شوي هدف پوره کولو کې پاتې راغلل.
د لوبې په پای کې د زمبابوې لوبډلې غړی، مسکندا د لوبې غوره لوبغاړی وټاکل شو.