د هېواد فوټبال ملي لوبډله سبا سېشنبې( د وري۸مه) د آسیا ملتونو جام سیالیو مقدماتي لوبو کې له ویټنام لوبډلې سره لوبه کوي.
اوسمهال د افغانستان فوټبال لوبډلې غړي د تاجکستان پلازمېنې مرکزې لوبغالي کې تمریني لوبو باندې بوخت دي.
وروسته له دې چې افغانستان په دوستانه لوبه کې سنګارپور ته ماته ورکړه اوس له ویټنام لوبډلې سره د لوبې په موخه چمتووالی نیسي.
د هېواد فوټبال ملي لوبډلې آلماني روزونکي، ایتو فیستر وتوانید چې خپله لوبډله د سنګاپور پر وړاندې بریالۍ کړي، او اوس هڅه کوي چې د ویټنام پر وړاندې هم بریا ترلاسه کړه.
د افغانستان فوټبال ملي لوبډله دوه ورځې مخکې تاجکستان ته ولاړه او وروسته له لنډ استراحت څخه یې خپل تمرین پیل کړ.
دا لوبډله به له ویټنام، کمبودیا او اردن سره لوبه وکړي.