د هېواد د کرېکټ بورډ د غوراوي کمېټې د «اېمرجنګ کپ»سیالیو لپاره د الف لوبډلې ۱۸ کسیز نوملړ چې په بنګلهدېش کې ترسره کېږي اعلان کړ.
د هېواد د کرېکټ بورډ الف لوبډله له دغو سیالیو څخه وړاندې د تمرینونو لپاره هند ته تللې ده.
ټاکل شوې ده چې د هېواد د کرېکټ بورډ الف لوبډله په خپله ډله کې له هند،سریلانکا او مالیزیا سره لوبه وکړي.
په دغو سیالیو کې د افغانستان،نیپال،هانګ کانګ،مالیزیا،هند سریلانکا،بنګهدېش او پاکستان په ګډون ۸ لوبډلې ګډون کوي.
په هغه نوملړ کې چې د کرېکت بورډ له خوا خپور شوی د عثمان غني،احسان جنت،شاهد کمال،یونس احمدزي،سمیع شینواري،شفیق الله شفق،منیر احمد،نجیب ځدران،ګلبدین نایب،شرف الدین اشرف،نوین الحق،آفتاب علم،فضل نیازي،فرید احمد او ضیا اکبر نومونه د اصلي لوبغاړو په توګه او همدارنګه نواز خان،خیبر عمر او وحید شفق د همکارو لوبغاړو په توګه یادونه شوې ده.