د جنوبي کوریا د رسنیو د راپور له مخې د شمالي کوریا د مشر، کیمجونګ اون ناسکه ورور «کیم جونګ نام» د مالیزیا په کوالالامپور هوايي ډګر کې وژل شوی دی.
ویل کېږي دوې ښځې چې د شمالي کوریا اصلي اوسېدونکې وې، د زهرجنو ستنو په مرسته نوموړی مسموم کړی دی.
خو پیونګ یانګ تر اوسه دا خبر نه دی تائید کړی.
کیمجونګنام چې د شمالي کوریا اوسني مشر، څخه مشر دی او ټاکل شوې وه چې د پلار له مړنې وروسته د واک پر ګدۍ کېني، خو په جاپان کې د جعلي پاسپورټ په تور د نیولو له امله یې په هېواد کې محبوبیت کم شو او پر ځای یې د هغه کشر ناسکه ورور کیمجونګ اون مشرۍ ته ورسيد.
د جنوبي کوریا د مالوماتو بنسټ رئیس، یونهاب د دې هېواد ولسي جرګې ته ویلي چې شمالي کوریا له ډېر وخت راهیسې د کیمجوننام د وژلو په هڅه کې وه.
د مالیزیا پولیس وايي تر اوسه نشي تائیدولی چې دا به کیمجونګنام وي، ځکه چې هغه په بل نوم سفر کاوه.