د پاکستان پولیسو د رویټرز خبري اژانس ته ویلي چې نن ګهیځ ( چهارشنبې د تلې پر ۲۶ مه ) د کوټې ښار په سوېل کې د پولیسو پر یوه موټر د برید په پایله کې لږ تر لږه ۶ تنه وژل شوي دي.
د کوټې امنیه قومندان عبدالرزاق ویلي چې دغه موټر د پولیسو د کارکوونکو د لېږد هغه بولي او د دغه برید په پایله کې ۴ پولیس او ۲ ولسي وګړي وژل شوي دي.
هغه زیاته کړه:«موږ تراوسه نه شو ویلای چې دغه چاودنه، ځانمرګی برید وکه که نه؟ زموږ همکاران په سیمه کې حضور لري او د پېښې څرنګوالی څېړي.»