د کاناډا حکومت هغه کس ته لس میلیونه ډالره غرامت ورکوی چې د افغانستان په جګړه کې نیول شوی دی او د دې هېواد چارواکي وايي چې د نومړي کس بشري حقونه تر پښو لاندې شوي دي.
عمرخدر هغه کس دی چې په ۲۰۰۲ زیږدیز کال کې کله چې ۱۵ کلن وه، نیول شوی او ګونتانامو ته لېږدول شوی دی.
له نوموړي چې بند کې یې کابو۱۳ کاله تېر کړي، د کاناډا حکومت رسمي بخښنه غوښتې ده او کابو لس میلیونه ډالره ورکوي.
د کاناډا لومړي وزیر، جاسټن ټروډو له عمر خدر څخه بخښنه غوښتې ده او نومړي ته یې د ۱۰،۵ میلیونو ډالرو غرامت ورکړې ژمنه کړې ده.
د کاناډا سترې محکمې په ۲۰۱۰ زیږدیز کال کې د امریکا متحده ایالاتونو څارګرې ادارې څېړنې د یوه ځوان د حقونو نقض کول بللي وه.
عمر خدر وايي:"اوس ماته د لمانځنې وخت نه دی رارسېدلی. دا د آرامۍ او پخلاینې وخت دی. زه هیله لرم چې بخښنې خبرې اترې د خلکو د خوابدۍ لامل نشي او زه له دې څخه بخښنه غواړم."
نوموړي افغانستان کې د لاسي بم په اچولو سره یو امریکايي سرتېری وژلی وه.
عمر په ۲۰۱۵ زیږدیز کال کې د خپل وکیل په سرپرستۍ خوشې شو.
عمر خدري کاناډايي تابعیت لري چې پلار یې مصری او مور یې د سعودي عربستان ده.