په ایران کې د ولسمشرۍ ټاکنو لومړنۍ پايلې ښې چې د دې هېواد ولسمشر، حسن روحاني د ۱۴ میلیونو رایو په ترلاسه کولو له خپل سیال، ابراهیم رئیسي څخه مخکې دی او ښاغلی رئیسي د ۱۰ میلیونو رایو په ترلاسه کولو دوهم ځای لري.
دوه نور نومندان مصطفی میرسلیم او مصطفی هاشمي طبا دواړو له یو میلیونو لږې رایې خپلې کړې دي.
د ایران د کورنیو چارو وزارت اعلان کړی دی چې دا د کابو ۲۵ میلیونو رایو د شمېرلو پایله ده چې کابو ۴ میلیونه به راتلونکې ساعتونو کې وشمېرل شي.
د ایران ټاکنیز بنست ویلي دي چې کابو ۴۰ میلیونو کسانو په ټاکنو کې ګډون کړی دی.
دا په داسې حال کې ده چې د ایران د کورونیو چارو وزارت مخکې له دې اعلان کړی وه، دا چې په ټاکنو کې د ګډونکوونکو شرایط درلودونکو کسانو شمېر ۵۶ میلیونه دی او د ټاکنو لپاره یې نوملیکنه کړې ده.
د ا یران ولسمشریزو دولسم دور او د ښارونو او کلیو شوراګانو پنځم دور ټاکنې د جمعې پر ورځ پیل شوې.