د امریکا متحده ایالاتونو په اوهایو ایالت کط څو دولتي ویبپاڼو باندې د داعش ډلې پلویانو سایبري بریدونه کړي دي.
سایبري بریدکوونکي یا هکران ځانونه د داعش ډلې پلویان بولي او په ویبپاڼو کې یې د داعش ډلې د بیرغ انځورونه خپاره کړي دي.
په دې برید کې د اوهایو قوماندان، جان کیسیک، په ویبپانه کې د امریکا متحده ایالاتونو ولسمشر، ډونالنډ ترمپ ته ګواش شوی دی چې په اسلامي هېوادونو کې د وژل شویو کسانو د وینو تویولو بیه به ورکړي.
دا بریدکوونکي ځانونه د "ډي زي سیستم" ډله بولي او په خپل پیغام کې یې لیکلي دي:"ته ټرامپ به ځواب ورکړي، ته او ستا ټول خلک د هرې هغې وینو څاڅکي لپاره چې په اسلامي هېوادونو کې تویږي."
په دې پیغام کې زیاته شوې ده:"زه د داعش ډلې میین یم."
امریکايي چارواکو ویلي دي چې د دې برید دفع کولو لپاره جدي تابیاوې نیول شوې دي.