د پاکستاني طالبانو پخوانی ویاند احسان الله احسان او د «جماعت الاحرار»ترهګرې ډلې یو تن قومندان ځانونه پاکستاني ځواکونو ته تسلیم کړي دي او دمګړۍ د دغه هېواد د ځواکونو په واک کې دي.
د لښکر مشر«آصف غفور»د دوشنبې په مازدیګر په یوې خبري غونډه کې وویل چې د دغه ترهګرې ډلې د قومندان د تسلیمېدو په اړه به جزئیات وروسته وړاندې شي.
هغه وویل:«کله چې د خپل هېواد ستر دښمنان امنیتي ځواکونو ته تسلیم وي،دا مهمه پېښه د دې څرګندویه ده چې له ترهګرۍ سره د مبارزې په کار کې سترې لاسته راوړنې حاصل شوې دي.»
د پاکستاني طالبانو قومندان احسان الله احسان تر ۲۰۱۳ زیږدیز کال پورې د پاکستاني طالبانو ویاند وه.