د سوریې په دمشق ښار کې د دې هېواد ځواکونو او مخالفو وسلهوالو ترمنځ سختې نښتې روانې دي
په سوریه کې پر بشري حقونو څار بنسټونه وايي چې جګړه هغهمهال پیل شوه چې د حکومت مخالفو وسلهوالو په ختیځه برخه کې ناڅاپه برید پیل کړ.
د سوریې دولتي رسنیو د راپور له مخې مخالفو وسلهوالو پر دې سېمې د کښل شویو تونلونو له لارې بریدونه کړي دي.
په همدې حال کې په دې رسنیو کې خپاره شوي انځورونه سختې نښتې ښیې.
د بشري حقونو څار بنسټونه وايي چې بریدونه د یکشنبې ورځې سهار وختي د څلورو ځانمرګو بریدونو په ترسره کولو پیل شوي دي.
د سوريې پوځي ویلي دي چې دوی د وسلهوالو پر ځپلو بریالي شوي دي.
دا بریدونه په سوریه کې د پیل شوې جګړې په شپږم کال په کې ترسره کېږي.