د امریکا متحده ایالاتونو د کانګرس ډموکراټو او جمهوريغوښتونکو پر ایران، روسیې او شمالي کوریا د تازه بندیزونو هوکړه کړې ده.
یو شمېر امریکايي قانونجوړونکي وايي چې پر روسیې د بندیزونو پرېکړه د دې هېواد ولسمشر ته روښانه پیغام دی تر څو له روسیې سره د امریکا واټن وساتي.
دا په داسې حال کې ده چې د امریکا سنا د واشنګټن په خبره ایران په سیمه کې د بېثباتیو ته د لمن وهلو له امله نوي بندیزونو ولګول، خو دا پرېکړه د سنا او امریکا د استازو جرګې تصویب ته اړتیا لري.
په همدې حال کې د مریلند ایالت سناتور، بن کاریډن وايي چې د بندیزونو ته د هوکړې رسیدل د لنډو خبرو پایله ده.
امریکامتحده ایالاتونو په وروستي ګام کې پر ۱۸ حقیقي او حکمي شخصیتونو باندې چې تېره سېشنبې د دې هېواد د اټومي پروګرام د ملاتړي دي، بندیزونه ولګول.
د امریکا د خزانه دارۍ وزارت د یوې اعلامیې په ترڅ کې د یادو کسانو او بنسټونو ملاتړ نامشروع بللی دی.
د یادولو ده، دا بندیزونه تر هغه وروسته لګول کیږي چې د ټرمپ ادارې ویلي وو تهران د اټومي هوکړې په برخه کې له نړۍ سره وفاداره نه دی