مقام‌های محلی ولایت غور، می‌گویند که طالبان، عبدالصمد امیری، سرپرست دفتر ولایتی کمیسیون مستقل حقوق بشر این ولایت را با شلیک گلوله به قتل رسانده اند.
حبیب‌الله رادمنش، معاون والی غور می‌گوید که طالبان سه روز پیش عبدالصمد امیری را در مسیر شاهراه غور - کابل در ولسوالی جلریز میدان وردک از موتر پیاده کرده و با خود برده بودند.
معاون والی غور، می‌افزاید که صبح امروز (پنج‌شنبه، ۱۴سنبله) جسد سربریده شدۀ سرپرست دفتر ولایتی کمیسیون مستقل حقوق بشر این ولایت از مسیر شاهراه غور- کابل بدست آمده‌است.
طالبان اما دست داشتن شان را در قتل سرپرست دفتر ولایتی کمیسیون مستقل حقوق بشر ولایت غور نپذیرفته‌اند.