دو منبع نسبتا نزدیک به طالبان در کابل می‌گویند که احتمال دارد نشست نماینده‌گان این گروه ونماینده‌گان جریان‌های سیاسی وحکومت در میانه‌های ماه آینده میلادی در دوحه برگزار شود.

این منابع می‌افزایند که این نشست اجندای نشست سمرقند را روشن خواهد ساخت و زمینه ساز گفت‌وگوهای میان افغانان خواهد بود.

ریاست اجراییه آوازه‌ها را در بارۀ شرکت عبدالله عبدالله رییس اجراییه در جرگه مشورتی صلح رد می‌کند و می‌گوید که آقای عبدالله حتا هیأت تعیین شدۀ از سوی ریاست جمهوری را برای گفت‌وگو در بارۀ حضورش در جرگه مشورتی نپذیرفته است.

رییس دفتر رییس اجراییه می‌گوید که ریاست جمهوری می‌کوشد آقای عبدالله در جرگه مشورتی صلح شرکت کند، اما آقای عبدالله تصمیم خودش از بهر شرکت نکردن در این جرگه تغییر نداده است.