اجرائيه ریاست د خبرپاڼې په خپرولو سره نن(چهارشنبې د غبرګولي۳۰مه) ویلي دي چې اجرائيه رئیس، عبدالله عبدالله د تاجکستان لومړي وزیر، قاهر رسولزاده په رسمي بلنه دې هېواد ته تللی دی.
خبرپاڼه کې راغلي دي چې اجرائیه رئیس د «تل پاتې پراخو اوبو» تر سرلیک لاندې د نړیوال کنفرانس کې د ګډون په موخه تلل دی.
تاکل شوې ده چې عبدالله عبدالله به د اوبو نړیوال کنفرانس په څنډه کې د تاجکستان ولسمشر، اما علي رحمان او د لومړي وزیر، رسولزاده سره هم وګوري.
په دې لیدنه کې به پر امنیتي، اقتصادي، ټولنیزې، فرهنګي، ترانزیت او له ترهګرۍ سره پر ګډې مبارزې خبرې وشي.
خبرپاڼه زیاتوي چې دواړه لوري به د مخابراتو او کانونو په برخه کې هوکړې لاسلیک کړي.
په دې سفر کې د اجرائيه رئیس ملتیا لوړپوړی دولتي پلاوی کوي چې د کورنیو چارو وزیر، ویس احمد برمک، بهرنیو چارو وزارت سیاسي مرستیال، حکمت خلیل کرزی هم په کې شامل دي.