ملي دفاع وزارت د افغانستان په اړه د امریکې تګلارې په وړانډې پر کورنیو مخالفانو نیوکه کوي او دا تګلاره بشپړه هغه بولي.
د ملي دفاع وزارت د پالیسۍ او تګلارې مرستیال تمیم عاصي د «هرات امنیتي خبرو اترو» په دویمه ورځ، له سیمهییزو هېوادونو هم غواړي چې له دغې تګلارې ملاتړ وکړي.
هغه زیاته کړه:«ځینې مخکښ سیاستوال، د دغه کار مخالف دي. دا تر ډېره د هغوی د اندېښنو په اړه دی. کهچېرې موږ دغو اندېښنو ته رسېدنه وکړو، زه فکر کوم چې دغه سیاستوال به هم زموږ په خوا شي.»
په کابل کې د هند پخوانی سفیر ګاتم موخو پادیایا په دې اړه وویل:«امریکا د بریا لپاره جنګېږي.لومړی د خپل امنیت لپاره؛ خو د دې لپاره هم چې د کابو ۲ زره امریکایانو قربانۍ ته درناوی شوی وي. دویمه دا چې په بیړه وتل، به تشه رامنځته کړي، چې ترهګر به هغه په بیړه ډکه کړي؛ لکهڅرنګه چې په ۲۰۱۱ کال کې په عراق کې ترسره شول.»
په همدې حال کې ایران او پاکستان د دې تګلارې په اړه منفي غبرګون لري او دا تګلاره یو جنګي پروګرام بولي.
د ایران د سټراټېژیکو مطالعاتو د مرکز مرستیال حسین ملایک وايي:«دا تګلاره، له درې برخو جوړه شوې: لومړی برخه یې د ایران څېړنه، دویمه، د منځني اسیا د هېوادونو لپاره یو ځای ناستی پيدا کوي ترڅو پر دغو سیمو د چین او روسیې واک او نفوذ له لاسه ووځي.»
د پېښور د پوهنتون استاد جمعه خان صوفي څرګنده کړه:«د سولې لپاره سیوری نشته، دا یو پوځي او جنګي سیاست دی. دا یوه پالیسي ده چې د پنټاګون له خوا، دیکټې کېږي.»
له دې سره په ورته وخت کې چین او امریکا ډاډ ورکوي، چې د افغانستان په مشرۍ د سولې په برخه کې به همکاري وي.
د چین د نړیوالو مطالعاتو انسټېټیوټ رییسه سوجي په ډاګه کړه:«چین تل د افغانستان یو ګاونډی او ملګری وه، او د دغه هېواد خپلواکۍ، واکمنۍ او ځمکنۍ بشپړتیا ته درناوی لري. چین حاضر دی چې د نړیوالۍ ټولنې له ټولو غړو سره په افغانستان کې د سولې ټینګښت، ټیکاو او پرمختنګ ته کار وکړي.»
د امریکا د ملي دفاع پوهنتون استاد برایان ټوډ وویل:«موږ تراوسه هم د دغې تګلارې له اداري اړخونو سره ښکېل یوو چې څه ډول کولای شو له پوځي جګړو هغې خوا په دغه هېواد کې دخیل وو. غواړم افغان مخاطبانو ته ووایم چې د امریکا پوځي تګلاره، مهمه نه ده. دا تګلاره مهمه نه ده؛ ځکه په ځلونو ټینګار شوی چې پوځي حل لاره شتون نهلري.»
تر دې څرګندونو وروسته، د هرات د امنیتي بحثونو ۶ مه غونډه پای ته ورسېده او د دې غونډې یو اصلي هدف، د افغانستان دولتي ځواکونو لپاره د یوې سیمه ییزې تګلارې رامنځته کول دي.