په بوسنیا هېواد کې شپږ تنه افغانان د ترهګریزو فعالیتونو او قاچاق په تور نیول شوي دي.
د بوسنیا د بهرنیو چارو وزارت وايي پنځه افغانان د ترهګریزو فعالیتونو په تور او یو تن یې د قاچاق په تور نیول شوي.
د بوسنیا د بهرنیو چارو وزارت زیاتوي، دغه افغانان د دغه هېواد د ملي امنیت لپاره ګواښ دي او له دغه هېواده شړل کیږي.
د شمېرو له مخې اوسمهال کابو پنځه ویشت زره افغان، پاکستاني، عراقي او ایراني ګډوال په بوسنیا کې ژوند کوي.