ولسي جرګې ته د کابل او پکتیا بریالي شویو استازو نن(چهارشنبې د غويي په ۲۵مه نېټه) په ولسمشرۍ ماڼۍ کې د ولسمشر غني په حضور کې لوړه وکړه.
ښاغلي غني په دې مراسمو کې یادو استازو ته د بریالي کېدو له کبله مبارکي وویله او همداراز یې د تلې ۲۸مه نېټه چې په کې پارلماني ټاکنې ترسره شوې، یوه تاریخي ورځ وبلله او په یاده ورځ کې یې د افغان ځواکونو سرښندنې وستایلې.
ښاغلي غني وویل چې د هېواد ملکي ادارې هم دا ثابته کړه چې په ټاکنو کې به لاسوهنه نه کوي.
ده زیاته کړه:«موږ ژمنه کړې وه چې غوراوی د افغانستان د خلکو دی، او هر هغه څوک چې خلک یې غوره ګڼي او رایه ورکوي، هغه به د خلکو استازي وي.»
ولسمشر غني دا چې د کابل او پکتیا د پارلماني ټاکنو رایې کابو له اوو میاشتو وروسته اعلان شوې، هغه یې یو ناورین وباله.
ودی وړاندې وايي د کابل او پکتیا د پایلو اعلان سره د افغانستان ولسي جرګه بشپړه شوه.
ولسمشر د کابل او پکتیا د خلکو له استازو غوښتنه وکړه چې د افغانستان د خلکو اعتبار وګټي او همداراز خپلې طرحې او وړاندیزونه ورسره شریک کړي.
ده همداراز وویل چې د غزني ټاکنې به د ولسمشرۍ له ټاکنو سره یوځای ترسره کېږي.
د ټاکنو خپلواک کمېسیون سېشنبې ماښام(دغويي په ۲۴مه نېټه) د کابل پارلماني ټاکنو پایلې اعلان کړې.
د ټاکنو کمېسیون لخوا د خپاره شوي نوملړ له مخې ۳۳ نوماندانو چې لوړې رایې درلودې، پارلمان ته رایه پیدا کړې ده.
د کابل پارلماني ټاکنې د تېر لمریز کال د تلې په ۲۸ او ۲۹مه نېټه ترسره شوې، خو په ټاکنو کې د درغلیو ادعا له مخې یې پایې کابو اوو میاشتې وځنډېدې.
د نوي خپاره شوي نوملړ له مخې لاندې کسانو پارلمان ته لاره پیدا کړې ده.
- حاجی اجمل رحماني
- الحاج عبدالقیوم خیرخواه
- خانآغا رضایي
- الحاج ملا محمدخان احمدي
- فدا محمد الفت صالح
- احمدجاوید جیحون
- میرالمانالله گذر
- الحاج امیرگل شاهین
- علامحسین ناصري
- داکتر رمضان بشر دوست
- الحاج سید محمد محمدي
- الحاج الله گل مجاهد
- حاجی خان محمد وردک
- الحاج قاضی میرافغان صافی
- نجیبالله ناصر
- حبیب الرحمن سیاف
- انورخان اوریاخیل
- صوفی عبدالرازق استالفي
- توفیق وحدت
- حاجی زرگی حبیبي
- محمد نعیم وردک
- حاجی حفیظالله جلیلي
- عرفانالله عرفان
- عبدالله کلیمزی وردک
ښځینه نوماندانې:
- وکیل فاطمه نظري
- جنرال نظیفه ذکي
- شینکی کروخیل
- مرسل نبیزاده
- فوزیه ناصریار گلدریي
- روبینا جلالي
- مریم سما
- زهره نوروزي
- بی بی حاجی پروین دراني