د سمنګانو د ولایتي شورا رییس، راز محمد موحدي ادعا کوي چې طالبانو نن سهار(پنجشنبې د وري په ۲۲مه نېټه) د دره صوف - مزارشریف لویې لارې اړوندو کې د بار وړونکو موټرو ۶۰ تنه چلونکي له ځانه وړي.
ښاغلي موحدي وايي طالبانو د سمنګان دره صوف او د بلخ کشنده ولسوالۍ ترمنځ سیمه کې شاوخوا ۱۰۰ باروړنکې موټرې درولي او ۶۰ تنه موټر چلونکي یې له ځانه سره بېولي دي.
موحدي پر امنیتي مسوولانو نیوکه کوي چې د دره صوف - مزارشریف لویې لارې امنیت ټینګښت کې پاتې راغلي.
د سمنګان د پولیسو ویاند محمد هاشم بیان دا پېښه تاییدوي او وایي جزییات به یې وروسته ووايي.
طالبانو لا تراوسه په دې اړه څه نه دي ویلي.
په دې اړه مو اندونه