جلال اباد کې د شپږو چاودنو سربېره د ننګرهار ولایت اوسېدونکو د هېواد د خپلواکۍ سلمه کلیزه ولمانځله.
دا چاودنې چې د ځای پر ځای شویو ماینونو له امله وې د دغه ولایت کابو اویا تنه اوسېدونکي ټپيان کړي دي.
خو دغو چاودنو د هېواد د خپلواکۍ د سلمې کلیزې د لمانځنې مخه ډب نه کړه.
د ننګرهار ځايي چارواکو د غازي امانالله خان قبر ته د ګلانو د ګېډیو له اېښودلو سره د شاه له کارنامو یادونه وکړه.
د جلال اباد اوسېدونکو د اټن او نڅا سره دغه ورځ ولمانځله.
خو د امنیتي تابیاو سره بېره په جلال اباد ښار کې شپږ چاودنې وشوې د ننګرهار ځايي چارواکي وايي چې دا چاودنې د ځای پرځای شویو ماینونو له امله وې.
د ننګرهار ځايي چارواکي وايي چې په دغو چاودنو کې کابو اویا تنه ټپيان شوې هغوی د دغو پېښو د ټپيانو روغتیايي حالت ښه ګڼي.