د ننګرهار ولایت په جلال آباد ښار کې د چاودنې له کبله ۱۹ کسانو ژوند له لاسه ورکړ او ۲۰ تنه نور ټپیان شول.
د یاد ولایت د والي ویاند، عطاالله خوګیانی وايي چې چاودنه کابو څلور بجې مازدیګر هغه مهال وشوه چې د جلال آباد ښآر یو شمېر اوسېدونکو غوښتل د ولسمشر لیدو ته ولاړ شي.
دا پېښه د جلال آباد ښار د لومړۍ حوزې په سیمه کې شوې ده.
ښاغلی خوګیانی وايي چې په پېښه کې لسو تنو د هېواد سیکانو ژوند له لاسه ورکړی دی.
ولسمشر غني یکشنبې ننګرهار ولایت ته تللی وه او ټاکل شوې ده چې دوشنبې هم په دې ولایت کې پاتې شي.