د کابل په شهرنو سیمه کې یو ځانمرګی بریدګر موخې ته له رسیدو مخکې د پولیسو له خوا په نښه شو.
د کابل امنیتي چارواکي وايي چې بریدګر غوښتل د کابل نوي ښار ته ځان ورسوي او د ملي جنش د ګوند غړو او پلویانو چې د قیصاري خوشې کېدو په موخه یې لاریون کړی دی برید، وکړي.
دا چارواکي زیاتوي چې بریدګر خپلې موخې ته له رسېدو مخکې د پولیسو لخوا وپېژندل شو او پرې ډزې وشوې.
پولیس وایي چې په دې پيښه کې چا ته زیان نه دی اوښتی، خو د پيښې شاهدان وایي چې په دې پيښه څو کسان ټپيان شوي دي.