د هېواد په ختیځ کې د ۲۰۱ سېلاب قول اردو چارواکي وايي چې د ننګرهار ولایت په چپرهار ولسوالۍ کې د دولتي ځواکونو د عملیاتو په ترڅ کې ۱۲ داعش جنګیالي ووژل شول.
د دغې قول اردو ویاند ډګرمن شرین آقا فقیري وايي چې دغه داعشیان د دوه قومندانانو په ګډون یې د چپرهار ولسوالۍ د تېرو ۲۴ ساعتونو کې د پوځي عملیاتو په لړ کې ووژل شول.
هغه زیاته کړه چې د دغې ډلې یو ځانمرګی بریدګر هم موخې ته له رسېدو مخکې د امنیتي ځواکونو له خوا په نښه او ووژل شو.