د چین نړیوال ټلویزیون تېره ورځ(یکشنبې د وري۱۹مه) خبر ورکړی چې ایران هڅه کوي ترڅو افغانستان او پاکستان ته د بریښنا د صادراتو کچه زیاته کړي.
ایراني چارواکو ویلي دي چې افغانستان او پاکستان زیاتې بریښنا ته اړتیا لري.
د ایران د برېښنا ویش او لیږد شرکت اجرائي مرستیال، داوود منظور د چین یاد ټلویزیون ته ویلي دي:«دې واقعیت ته په کتو چې ګاونډي هېوادونه په ځانګړې توګه افغانستان او پاکستان ډېرې برېښنا ته اړتیا لري، نو اړینه ده چې د برېښنا لېږد او نښلولو په موخه ګامونه پورته او دې هېوادونو ته برېښنا صادره شي.»
ددې چارواکو په خبره، دمګړی ایران په هر ساعت کې ۱۹۰ میګاواټه بریښنا هرات او فراه ولایتونو ته صادروي .