د بهرنیو چارو وزارت د اقتصادي همکاریو د ریاست مسوولین وايي، په سیمه کې د افغان سوداګرو مېرمنو د کار وده چې تمه کېږي د سوداګریزو مرکزونو څخه هم په سیمه کې زیاتوالی ومومي.
د بهرنیو چارو وزارت د اقتصادي همکاریو د برخې رییس حسن سروشپه دې اړه وویل:«په لومړي سر کې موږ هڅه کوو چې دغه دغه پروګرامونه د سیمېا او منځنۍ اسیا هېوادونو ترمنځ په لاره واچول شي او له هغې وروسته په اورپا او امریکا کې .»
بلخوا د مېرمنو د سوداګرۍ اوصنایعو خونې مسوولینې وایي چې د دغه پروګرام عملي کېدل د مېرمنو د صنایعو ودې لپاره ډېر مهم دي.
د مېرمنو د سوداګرۍ او صنایعو خونې رییسه منیژه وافق وویل:«کهچېرې د بهرنیو چارو وزارات وکړای شي دغه مرکزونه رامنځته کړي، دا په هېواد کې د ښځو د اقتصاد لپاره ډېر مهم دی.»
دا په داسې حال کې ده چې تازه د سوداګرو مېرمنو د ستونزو هواري په موخه د ریکا په ګډون د یو شمېر هېوادونو سفیران په دې برخه کې یوې هوکړې ته رسېدلي دي.
د دې غونې مسوولینې وايي، د دغه سند پربنسټ یو شمېر هېوادونه به د سوداګرو مېرمنو لپاره پراخې اسانتیاوې په پام کې ونیسي.