هېواد کې یو شمېر بوټ جوړوونکي سره له دې چې وايي هر کال د افغانستان خلک کابو ۶۵ میلیونو بوټانو ته اړتیا لري، خو زیاتوي چې په تېرو کالونو کې د بوټ جوړونې په برخه کې کار نه دی شوي او د اړتیا وړ بوټانو له ډلې یوازې کابو پنځه میلیونه بوټونه په هېواد کې تولیدیږي او پاتې نور له بهر څخه راواردیږي.
دوی همداراز زیاتوي چې د بریښنا د بیو د لوړیدو له امله نه شي کولای لوی ماشیونونه هېواد ته وارد کړي.
خپله ستونزه د بریښنا نشتون او د بریښنا لوړه بیه، د کار خونو لپاره د ځمکې نشتوالی او د حمایوي تعرفو نشتوالی په هېواد کې د بوټ جوړونې کارخونو په وړاندې لویې ستونزې دي.
د هېواد د بوټ جوړونې د ټولنې رییس، آصف جامع څرګندوي:«اوس مهال موږ یو کیلواټ برېښنا په دولس نیمې افغانۍ اخلو او اړ یوو چې د کار لپآره له انساني ځواک څخه کار واخلو او له معیاري ماشینونو کار نه شو اخیستی.»
اوس مهال په افغانستان کې د بوټانو د څو کارخونو ترڅنګ سلګونه وړې کارخونې د هیواد په بیلابیلو سیمو کې په کار بوختې دي چې له دې کار خونو اوس د ډیرو ستونزو سره د معیاري ماشین پرته کار کوي.
کابل کې د بوټونو جوړونې د کارخونې فني کار مند، محمد داوود نورمحمدي وايي:«موږ ډېرې ستونزې لرو او کار هم شنته، حکومت باید زموږ ملاتړ وکړي، که مو ملاتړ وشي نو موږ به د هېواد اړتیا وړ ډېر بوټان تولید کړو او ښه کیفیت به ولري او که هېواد کې بوټان جوړ شي نو د خامو موادو کارخونو کار به هم پيل شي.»
په هېواد کې د بوټونانو او چرم د صنایع ودې لپاره د روښانه کړنلاې نشتوالی په دې برخه کې له جدي ستونزو دي.
له دې بوټ جوړوونکو یو شمیر يي وايي، که حکومت ترې ملاتړ وکړي کولای شي د بوټونو په برخه کې د هیواد ۵۰ سلنه اړتیا پوره کړي.