د بلخ مرستیال والي وايي، دې ولایت کې د ټاکنو سیمهییز دفتر مخې ته اعتراضکوونکو خپلې خیمې نن(یکشنبې د تلې لومړۍ) ټولې کړې.
محمد بشیر توحیدي زیاتوي چې له معترضینو سره یې خبرو ښه پایله درلوده او حکومت هم د هغوی غوښتنو ته روښانه ځواب ورکړی دی.
د سیاسي ګوندونو معترضو پلویانو نهه ورځې مخکې د رڼو ټاکنو د ترسره کېدو لپاره د حکومت او ټاکنو د خپلواک کمېسیون د بې پروايۍ له امله د دې ولایت د سیمه ییز دفتر دروازه وتړله.
په همدې حال کې تېره ورځ د ټاکنو خپلواک کمېسیون اعلان وکړ چې په ټاکنو کې د بایومټریک سیسټم کارولو په تړاو د سیاسي ګوندونو غوښتنه منل شوې ده.
په همدې حال کې د بلخ امنیې قومندان په دې ولایت کې د ټاکنو د سیمهییز دفتر له پرانیستو هرکلی کوي او همداراز د ټاکنو د رایې ورکونې د مرکزونو د امنیت د ټینګښت خبره کوي.