وروستي خبرونه
Thumbnail
د ۹۷ ټاکنې

د ولسي جرګې د ځينو نوماندانو پر شعارونو د حقوق پوهانو نیوکې

حقوق پوهان د ولسي جرګې د ځينو نوماندانو شعارونه د ولسي جرګې د یوه غړي له صلاحیتونو لوړ بولي.

ځينې هېوادوال او حقوق پوهان وايي چې د ولسي جرګې ځينې نوماندان له خپلو واکونو هغې خوا شعارونه ورکوي ترڅو وکړای شي د خلکو رایه ترلاسه کړي.

دوی له دغو نوماندانو غواړي، چې له اغراق ډک او له واکونو څخه یې لوړو شعارونو سره خلک هغو ژمنو ته هیله‎من نه کړي چې پوره کول یې په واک کې نه دي.

د عدالت او امنیت ټینګښت او برابري د ولسي جرګې ټاکنو د نوماندانو شعارونه دي چې د یو شمېر نوماندانو په تصویرونو او ټاکنیزو مبارزو کې لیدل کېږي.

خو د ولسي جرګې یو استازی کوم صلاحیتونه لري؟

د افغانستان د اساسي قانون له مخې د قوانینو او تقنیني فرمانونو تصویب یا تعدیل، د پروګرامونو تصویب، د دولت د بودیجې تصویب، د اداري بنسټونو رامنځته کول یا منحلول، له نورو هېوادونو د تړونونو تصدیق یا لغوه کول، د مقرریو تایید یا ردول او همداراز د وزیرانو استیضاح د پارلمان د استازي له واکونو څخه دي.

خو حقوق پوهان د ولسي جرګې ټاکنو د یو شمېر نوماندانو شعارونه د جرګې د یوه غړي د صلاحیت په اړه د دغو نوماندانو د پوهاوي د ټیټې کچې له امله ګڼي.

حقوق پوه مصباح په دې اړه وویل:«شعارونه باید د ۹۰، ۹۱، او ۹۳ مې مادې پر بنسټ وي او د درې قواوو په تفکیک کې باید ستونزه رامنځته نه کړي ځکه چې د امنیت تامین د امنیتي بنسټونو مسوولیت دی.»

د ټاکنو خپلواک کمېسیون د ویاند مرستیال عزیز الله ابراهیمي په دې اړه څرګنده کړه:«د ټاکنیزو سیالیو په لایحه کې په دې اړه څه نه دي راغلي، خو لکه‎څرنګه چې لیدل کېږي، د ځينو نوماندانو شعارونه د ولسي جرګې د غړي د واک له لایحې لوړ دي.»

کابل ښاریان د ولسي جرګې له دغو نوماندانو غواړي په هغو شعارونو چې پوره کېدل یې د دوی په توان کې نه دي خلک بې ځایه هیله من نه‎کړي.

کابل مېشتی موسي وايي:«دوی وايي چې موږ عدالت او امنیت تامین وو، په اصل کې دا د دوی دندې نه دي.»

د کابل بل اوسېدونکی حامد هم څرګندوي:«داسې شعارونه دې ورکړي چې په راتلونکي کې هغه پوره کړای شي.»

له ټاکنیزو مبارزو شپږ ورځې تېرېږي او د ولسي جرګې نوماندان د خلکو د رایو د ترلاسه کولو لپاره په سیالیو بوخت دي.

د ۹۷ ټاکنې

د ولسي جرګې د ځينو نوماندانو پر شعارونو د حقوق پوهانو نیوکې

ځينې هېوادوال او حقوق پوهان وايي چې د ولسي جرګې ځينې نوماندان له خپلو واکونو هغې خوا شعارونه ورکوي ترڅو وکړای شي د خلکو رایه ترلاسه کړي.

Thumbnail

حقوق پوهان د ولسي جرګې د ځينو نوماندانو شعارونه د ولسي جرګې د یوه غړي له صلاحیتونو لوړ بولي.

ځينې هېوادوال او حقوق پوهان وايي چې د ولسي جرګې ځينې نوماندان له خپلو واکونو هغې خوا شعارونه ورکوي ترڅو وکړای شي د خلکو رایه ترلاسه کړي.

دوی له دغو نوماندانو غواړي، چې له اغراق ډک او له واکونو څخه یې لوړو شعارونو سره خلک هغو ژمنو ته هیله‎من نه کړي چې پوره کول یې په واک کې نه دي.

د عدالت او امنیت ټینګښت او برابري د ولسي جرګې ټاکنو د نوماندانو شعارونه دي چې د یو شمېر نوماندانو په تصویرونو او ټاکنیزو مبارزو کې لیدل کېږي.

خو د ولسي جرګې یو استازی کوم صلاحیتونه لري؟

د افغانستان د اساسي قانون له مخې د قوانینو او تقنیني فرمانونو تصویب یا تعدیل، د پروګرامونو تصویب، د دولت د بودیجې تصویب، د اداري بنسټونو رامنځته کول یا منحلول، له نورو هېوادونو د تړونونو تصدیق یا لغوه کول، د مقرریو تایید یا ردول او همداراز د وزیرانو استیضاح د پارلمان د استازي له واکونو څخه دي.

خو حقوق پوهان د ولسي جرګې ټاکنو د یو شمېر نوماندانو شعارونه د جرګې د یوه غړي د صلاحیت په اړه د دغو نوماندانو د پوهاوي د ټیټې کچې له امله ګڼي.

حقوق پوه مصباح په دې اړه وویل:«شعارونه باید د ۹۰، ۹۱، او ۹۳ مې مادې پر بنسټ وي او د درې قواوو په تفکیک کې باید ستونزه رامنځته نه کړي ځکه چې د امنیت تامین د امنیتي بنسټونو مسوولیت دی.»

د ټاکنو خپلواک کمېسیون د ویاند مرستیال عزیز الله ابراهیمي په دې اړه څرګنده کړه:«د ټاکنیزو سیالیو په لایحه کې په دې اړه څه نه دي راغلي، خو لکه‎څرنګه چې لیدل کېږي، د ځينو نوماندانو شعارونه د ولسي جرګې د غړي د واک له لایحې لوړ دي.»

کابل ښاریان د ولسي جرګې له دغو نوماندانو غواړي په هغو شعارونو چې پوره کېدل یې د دوی په توان کې نه دي خلک بې ځایه هیله من نه‎کړي.

کابل مېشتی موسي وايي:«دوی وايي چې موږ عدالت او امنیت تامین وو، په اصل کې دا د دوی دندې نه دي.»

د کابل بل اوسېدونکی حامد هم څرګندوي:«داسې شعارونه دې ورکړي چې په راتلونکي کې هغه پوره کړای شي.»

له ټاکنیزو مبارزو شپږ ورځې تېرېږي او د ولسي جرګې نوماندان د خلکو د رایو د ترلاسه کولو لپاره په سیالیو بوخت دي.

شریک یي کړئ