اجراییه رییس، عبدالله عبدالله وايي خلک په قطر کې د امریکا او طالبانو ترمنځ د سولې پټو خبرو اترو په تړاو اندېښنه لري.

دی زیاتوي چې یو شمېر طالبان لا هم د امارت خوبونه ویني.

په همدې حال کې ولسمشر غني، د سولې مشورتي لویې جرګې د ترسراوي په اړه فرمان صادر کړی چې د هغه پر بنسټ به دا جرګه له څه باندې یوې میاشتې ځنډ سره د راتلوونکي کال د غوايي میاشتې په ۹ مه نېټه ترسره شي.

ټاکل شوې وه چې دا جرګه د روان لمریز کال د کب له ۲۶ - تر ۲۹ جوړه شي او په هغې کې به له ټول هېواده کابو دوه زره هېوادوال ګډون وکړي.

په دې خپرونه کې پر همدې موضوع له مېلمنو سره خبرې شوې دي.

د اجراییه ریاست سلاکار، پاینده محمد حکمت

سیاسي فعال، یونس فکور