محور: د دوحیې غونډې لغوه کېدل
د افغان حکومت، سیاستوالو او طالبانو غونډه چې ټاکل شوې وه نن (جمعه د وري په ۳۰ مه) په قطر کې ترسره شي، خو لغوه شوه.
ولسمشرۍ ماڼۍ، په یوې خبرپاڼه کې د هغه علت له هغه ۲۵۰ کسیزه نوملړ سره د طالبانو مخالفت بلل شوی چې د حکومت له خوا چمتو شوی و.
د دغې ناستې لغوه کېدل چې د هغې د ترسراوي لپاره اوونۍ اوونۍ چمتووالی نیول شوی و، له غبرګونونو سره مخامخ شوی دی.
د افغان سولې لپاره د امریکا ځانګړی استازی زلمی خلیلزاد په خپل ټوېټر پاڼه د دوحې ناستې په ترسراوي کې ځنډ خواشینوونکی بولي او له ټولو خواوو غواړي، چې د بین الافغاني ناستې په اړه پر یوه ټول شموله نوملړ سره اجماع ته ورسېږي.
په ورته وخت کې، پخوانی ولسمشر حامد کرزی هم چې ټاکل شوې وه د دغې ناستې یو له ګډون کوونکو څخه وي، وايي چې د افغانستان خلک به ډېر ژر په بین الافغاني ناستو کې د سولې راوستو لپاره استوار ګامونه پورته کړي.ټاکل شوې وه چې د دوحې له ناستې وروسته، د مۍ میاشتې په منځ کې په سمرقند کې د بین الافغاني ناستو لپاره بله ناسته جوړه شي.
په دغې خپرونه کې کوربه یاسر ابرار د حزب اسلامي ګوند له مشرتابه غړي همایون جریر سره بحث او خبرې اترې کړې دي.